Tgira primavauna

 

Ils 25-04-2009 eis ei puspei stau aschi lunsch.

Nies di da tgira havein nus passentau a Pigniu sut Clavadi. La lavur ch’ ei vegnida exequida ei stada ell’ anzenna dalla tgira da biotop: Nus havein rumiau ensemen e tagliau anavos caglias per saver garantir alla selvaschina in atractiv e nutritiv quartier d’ unviern e da primavera.

Tals dis ein immens impurtonts per tgirar e mantener in bien spazi da viver per  las selvaschinas.

Gest uonn, nua ch’ il clom suenter parver la selvaschina duront il criu unviern ei puspei staus d’ udir, essan nus dall’ Uniun da catschadurs Greina perschuadi, ch’ ina tala tgira sco quei che nus havein astgau prestar, ei pli impurtonta che tut las ideas cursadas ils davos meins atras la pressa, sco era aschi adequat a meinis presentai a caschun da div. radunonzas.  

 

Grond engraziament a tuttas catschaduras e catschadurs che han priu part a nies di da tgira.